ARNOLDUS a Melchthal

ARNOLDUS a Melchthal

Underwaldius, sil. Henrici, duriter habiti a Peregrino landenbergio Praefecto, tandemque huius iussu exoculati, indignitate iniuriarum commotus, cum Wernhero Stauffachero Suitio, et Waltero Furstio Urio, vitis fortissimis, consilium foedusque iniit, ad patriam a tyrannide liberandam et veteri libertati restituendam: die 16. Kal. Nov. A. C. 1307. quô annô Wilhelmus Tellus, ex confoederatis unus, gratum Helvertiis ac celebre nomen, Grisleri iniuriis exagitatus, hunc sagittâ peremit: Kal. dein Ian. in tribus illis pagis arces eversae, sicque helveticae libertatis fundamenta feliciter, heroum istorum ductu, iacta sunt. Simlerus de Rep. Helv. Diversorum Auctorum Helvet. Rcspubl. edita Lugduni Bat. A. C. 1627.

Iniustô tandem patientia victa furore.

Ad libertatem pectora pressa vocat.

Vide Henricus.